Urdu Sad Poetry

Ajnabi Si Raahon Mein Door Tak..
Nigaahon Mein Be-Rukhi Ka Mausam Hai.
Aaj Phir Nigaahon Ko, Beete Pal Ki Pyaas Hai.
Phir Reha Hun Dar-Ba-dar Mojzey Ki Aas Hai..
Aisa Lagta Hai Jaise..
December Phir Udaas Hai..
Baat Toh Kare Koi,
Saath Toh Chale Koi,
Khaamoshi Ka Pehra Hai
Zakhm Dil Ka Gehra Hai
Kisi Bahut Apne Ki
Ab Mujhe Talaash Hai.
Aisa Lagta Hai Jaise..
December Phir Udaas Hai

Torr Dalen Qalam To Behtar Hai
Na Likhen Raaz e Ghum To Behtar Hai
Yun Bhi hum Ko Na Choregi Dunya
Ap Karlen Sitam To Behtar Hai
Kufar hai Hum Unhe Chahen
Log Poje Sanam To Behtar Hai
Ishq Marta To Kam Hi Lekin
Ishq Maare Bhi Kam To Behtar Hai
Daad Milti Hai Wo Sune Na Sune
Aake Zair o Bam To Behtar Hai
Na Karo Tauba Dil Dukhane Se
Ab Na Tote Qasam To Behtar Hai
Dil Ka Qissa Wohi Qadeemi Hai
Na Suno Mohtram To Behtar Hai
Torr Dalen Qalam To Behtar Hai
Na Likhen Raaz e Ghum To Behtar Hai

Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain
Shiddat e Dard Ne Mujhe Kya Se Kya Bana Diya
Halat e Zar Tumko Bhi Suna Dete Hain
Khamosh Darya Ki Tarah Behti Rehti Hon
Bewaja Ghum Ke Tufaan Mujhe Saza Kyun Dete Hain
Ankhen Ashkon Se Barh Jayen To
Selaab Ashk Mai Sab Shikayat Baha Dete Hain
Ek Raaz Chupa Hai To Chupa Rehne Do
Unke Samne Hum Siskiyun Mai Bhi Muskura Dete Hain
Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain

Umer Se Rattjaga Nahi Jata
Khawab Ka Silsila Nahi Jata
Gark Hon Ek Hi Baar Is Ghum Mai
Thora Thora Mara Nahi Jata
Chal Nikalta Hon Be Khayali Mai
Jis Taraf Rasta Nahi Jata
Phir Wo Ghum Ankh Se Tapakta Hai
Jo Zuban Se Kaha Nahi Jata
Itna Masroof Hon Muhabbat Mai
Aur Kuch Bhi Kiya Nahi Jata
Admi Jitni Bhi Ozar Karle
Rog Is Hijar Ka Nahi Jata
Tegh Ke Waar Bhi Mai Seh Lon Mohsin
Talkh Lehja Magar Saha Nahi jata

Lazzat e Qurb Rahi Shokh e Wisaal Rahi

Tumhare Sath Jo Guzri ghari Kamaal Rahi

Raha Na Hosh e khudi Na Giraft Lafzon Par

Khamoshi Guftugu Main Mehv e Wajad o Haal Rahi

Tumhari Chah Mai Diwaan Bhi Agar Likh Don

Samajhna Baat Phir Bhi Maine Khaal Khaal Kahi

Nahi hargiz Mujhe gawara Tera Sar Kham Ho Kabhi

Pas e junoon Har Ek Dushmano Ki Chaal Rahi

Tumhara Hukam Ho Or radd Karon Mai Na Mumkin

Kabhi Bhi Aisi Nahi Hai Meri Majaal Rahi

Meri Ankhon Meri yaadon Meri baton Mai Tum Ho Bas

Mujhe Dunya Se Lena Kya Meri Dunya Tum Hi Ho Bas

Raza Meri Tum Mat Pocho Meri Kyun Baat Karte Ho

Mera Jeena Mera Marna Meri To Zaat Tum Ho Bas

Mere Lafzon Ne Mujh Ko Hi Hazaron Dard De Daale

Meri Khushiyun Ka Mehvar Tum Mere Adaab Tum Ho Bas

Mai Khud Se Door Hon Kitni Khud Hi Se Bhagti Kyun Hon

Kahin Jana Nahi Mujh Ko Meri Manzil Tum Hi Ho Bas

Agar Tujhko gawara Ho To Mujhse Door Mat Jana

Mere Sare Sawalon Ke jawabon Mai Tum Hi Ho Bas

Qasam Us Zaat Ki Mujh Ko Kabhi Bhoolongi Na Tujhko

Mai Zinda Hon Yahan Jab Tak Waja Jeene Ki Tum Ho Bas

Meri Ankhon Meri yaadon Meri baton Mai Tum Ho Bas

Mujhe Dunya Se Lena Kya Meri Dunya Tum Hi Ho Bas