Urdu Sad Poetry: Ghazal's

Showing posts with label Ghazal's. Show all posts

Friday, April 23, 2021

Ab Yaad Dilayen Kia Tum Ko

Khawaja Islam April 23, 2021 0

Ghazal's

Ab Yaad Dilayen Kia Tum Ko

Ye Saal Bhi Aakhir Beet Gaya

Aur Apna Bhi Koi Doosh Nahi

Ye Bazi Bhi Jag Jeet Gaya

Wo Sard Hawain Ab Bhi Hain

Rangeen Fizain Ab Bhi Hain

We Bheege Bheege Pani Ki

Pur Shoor Sadain Ab Bhi Hain

Mein Ab Bhi Udher Ko Jata Hun

Aur Dil Apna Sulgata Hun

Ab Tum Nahi Hote Sath Mere

Aur Hote Hain Khali Haath Mere

Pur Shor Sadain Poochti Hain

Wo Sard Hawain Poochti Hain

Wo Kahan Gaya Sathi Tera?

Kia Phir Ye Zamana Jeet Gaya?

Ye Saal Bhi Aakhir Beet Gaya

Ab Yaad Dilayen Kia Tum Ko

Koi Hath Ha Mere Hath Mein

Khawaja Islam April 23, 2021 0

Urdu Poetry

Koi Hath Ha Mere Hath Mein

Monday, April 12, 2021

Wo Husn o Mujasim Kamaal Uski Ankhen

Khawaja Islam April 12, 2021 0

Sad Ghazals

Wo Husn o Mujasim Kamaal Uski Ankhen

Wo husn o mujasim kamaal uski ankhen

Sarapa muhabbat Jamaal uski ankhen

Jhuken to lagti hain zevar haya ka

Uthen to Karen phir sawal uski ankhen

Milen to mai dono jahan dekar lelon

Wo chehra wo zulfen wo gaal uski ankhen

Agar koi poche ke dunya mai Kya hai

Dewana kahega misaal uski ankhen

In ankhon ke kajal mai dooba hon shayad

Ajab phir chali hain ye chaal uski ankhen

Khabar nahi thi Jo khuwab mein hai Wo khuwab mein bhi na mil saky ga

Khawaja Islam April 12, 2021 0

Sad Ghazals

Khabar nahi thi Jo khuwab mein hai
Wo khuwab mein bhi na mil saky ga

Khabar nahi thi kisi bhi rutt mein bhi
Ye phool dil ka na khil saky ga

Wo un-kahi thi ke na rasai
Jo qurbaton ka na aya mousam

Ye mein ne socha kabhi nahi tha
Ke sochne ki saza mily gi

Muhabbaton ki praayi, baarishon mein
Bheegne ki saza mily gi

Badal geya hai qareeb aa ke
Khuwahishon mein nahaya mousam

Thursday, February 6, 2014

Umer Raaigaan Kardi...

Khawaja Islam February 06, 2014 0

Noshi Gilani

Umer Raaigaan Kardi Tab Ye Baat Maani Hai

Mout Aur Mohabbat Ki Ek Hee Kahani Hai

Khail Jo Bhi Tha Jaana.n Ab Hisaab Kia Karna

Jeet Jis Kisi Ho Ham Ne Haar Maani Hai

Vasl Per Bhee Naadim Thay Hijr Per Bhi Sharmindah

Wo Bhi Raaigaani Thi Ye Bhi Raaigaani Hai

Ye Mera Hunar Teri Khusbuoun Se Waabasta

Mere Saaray Lafzon Per Teri Hukmarani Hai

Jaanay Kon Shehzaadah Kab Chura Ke Le Jaaye

Wo Jo Apne Aangan Mein Khusbuoun Ki Rani Hai

Ye Naam Mumkin Nahi Rahay Ga...

Khawaja Islam February 06, 2014 0

Noshi Gilani

Ye Naam Mumkin Nahi Rahay Ga, Muqaam Mumkin Nahi Rahay Ga

Gharoor Lehjay Mein Aa Gaya Tou Kalaam Mumkin Nahi Rahay Ga

Ye Barf Mausam Jo Sheher-e-Jaa.n Mein Kuch Aur Lamhay Theher Gaya Tou

Lahoo Ka Dil Ki Kisi Gali Mein Muqaam Mumkin Nahi Rahay Ga

Tum Apni Saanson Se Meri Saansain Alag Tou Karnay Lagay Ho Laikin

Jo Kaam Aasaan Samajh Rahay Ho Wo Kaam Mumkin Nahi Rahay Ga

Wafaa Ka Kaaghaz Tou Bheeg Jaye Ga Badgumaani Ki Baarishon Mein

Khaton Ki Baatain Tou Khwaab Hon Gi Payaam Mumkin Nahi Rahay Ga

Mein Jaanti Hun Mujhe Yaqeen Hai Agar Kabhi TU Mujhe Bhula De

Tou Teri Aanhkon Mein Roshni Ka Qayaam Mumkin Nahi Rahay Ga

Ye Ham Mohabbat Mein La Ta’alluq Se Ho Rahay Hain Tou Dekh Laina

Duaaein Tou Khair Kon De Ga Salaam Mumkin Nahi Rahay Ga

Meri tanhai barhate hain...

Khawaja Islam February 06, 2014 0

Ghazal's

Meri tanhai barhate hain chale jate hain,

Hanss talaab pe ate hain chale jate hain,

Is liye ab mein kisi ko nahin jane deta,

Jo mujhe chorr ke jate hain chale jate hain,

Meri ankhon se bahaa karti hai un ki khushu,

Raftgaa’n khawb mein ate hain chale jate hain,

Shadi-e-marg ka mahol banaa rehta hai,

Aap aate hain rulate hain chale jate hain,

Kab tumhe ishq pe majboor kiya hai hum ne,

Hum to bass yaad dilate hain chale jate hain,

Ap ko kaun tamashaayi samajhta hai yahan,

Aap to aag lagate hain chale jate hain,

Hath pathar ko barhaaon to sagan-e-dunya,

Hairti ban ke dikhate hain chale jate hain..

Abbas Tabish

Pani ankh mein bhar ker...

Khawaja Islam February 06, 2014 0

Ghazal's

Pani ankh mein bhar ker laya jasakta hai

Ab bhi jalta sheher bachaya ja sakta hai

Aik mohabbat aur woh bhi nakam mohabat

Lekin is se kaam chalaya ja sakta hai

Dil per paani peeney ati hain umeedien

Is chashmey mein zeher milaya jasakta hai

Mujh gumnaam se poochte hai farhaad o majnoon

Ishq mein kitna naam kamaya ja sakta hai

Yeh mehtab yeh raat ki peshani ka ghao

Esa zakham to dil per khaya jasakta hai

Phatta purana khawb hai mera phir bhi tabish

Is mein apna aap chupaya jasakta hai

Paikar tha wafa ka...

Khawaja Islam February 06, 2014 0

Wafa Poetry

Paikar tha wafa ka, mohabbat ka khuda tha,

Woh shakhss zamaney mein sab se hi juda tha,

Chahat ke khazaney they har lafz mein us ke,

Daaman mera us ne duaaon se bhar tha,

Mujh ko nahin dekha karri dhoop ne chu kar,

Baba mera duniya main mujhe aesa jo mila tha,

Fikrain na zamaney ki kabhi paas bhi ayin,

Hard dard meri hasti se dartaa hi raha tha,

Jab taka raha saanson ka basera mere baba,

Tab tak main ghamon se bachta hi raha tha,

Us shaam ki hiddat mere dil se nahin jati,

Jis shaam tera saaya mere sar se utha tha..

Kal yeh likhti theen...

Khawaja Islam February 06, 2014 0

Ghazal's

Kal yeh likhti theen bicharna tumhe manzoor nahin,

Ab yeh kehti ho “mere khat mujhe wapis kar do”,

Main safaayi koi doon ga na wazaahat doon ga,

Tum ko wapis main tumhari yeh amaanat doon ga,
Phir kabhi tumse na milney ki zamanat doon ga,

Bas tumhe tark-e-marasim pe yeh zehmat doon ga,

Tum ho bechain to mein bhi koi masroor nahin,

Kal yeh likhti theen bicharna tumhe manzoor nahin,

Ab yeh kehti ho “mere khat mujhe wapis kar do”..!

Judaa honay ka andheshaa...

Khawaja Islam February 06, 2014 0

Ghazal's

Judaa bhi honay ka andheshaa seh nahin saktey,

Hum aik sheher mein ab khush bhi reh nahin saktey,

Yeh roz-o-shab hain hamarey ke aik dusrey se,

Chupaye phirtey hain ehwaal, keh nahin saktey,

Shakist-e-zaat ka izhaar chahtey bhi nahin,

Ajeeb haal hai, hum chup bhi reh nahin saktey,

Haqeeqton ki chattanain bhi apni raah main hain,

Khayal-o-khawb ke daryaa main beh nahin saktey,

Woh be’qasoor hai, aesi bhi koi baat nahin,

Qasoor’waar hain hum, yeh bhi keh nahin saktey..

kabhi mujh ko sath lekar...

Khawaja Islam February 06, 2014 0

Ghazal's

kabhi mujh ko sath lekar, kabhi mere sath chal kar

vo badal gaye achanak meri zindagi badal kar

huye jis pe meharaban tum koi khushnasib hoga

meri hasraten to nikalin mere ansuon main dhal k

teri zulf-o-ruKh k qurban dil-e-zar dhundta hai

vahi champai ujale vahi surmai dhundalake

koi phul ban gaya hai koi chand koi tara

jo chirag bujh gaye hain teri anjuman main jal k

mere dosto Khudara mere sath tum bhi dhundo

vo yahin kahin chupe hain mere gam ka rukh badal k

teri bejhijhak hansi se na kisi ka dil ho maila

ye nagar hai ainon ka yahan sans le sambhal k.!

Tujh se gilay karoon...

Khawaja Islam February 06, 2014 0

Jon Elia

Tujh se gilay karoon tujhe janaa’n manaaon main,

Ik bar apne aap mein aaon to aaon main,

Dil se sitam ki be’saro kaari hawaa ko hai,

Woh gard urraa rahi hai ke khud ko ganwaaon main,

Naadim hoon woh ke jis pe nadaamat bhi ab nahin,

Woh kaam hain ke apni judai kamaaon main,

Kyon’kar ho apne khawab ki aankhon mein wapsi,

Kis taur apne dil ke zamamon mein jaaon main,

Ik rang si kamaa’n ho khushbu sa ik teer,

Marham si ik wardaat ho aur zakham khaon main,

Shikwa sa aik dareecha ho, nasha sa ik sakoot,

Ho shaam aik sharab si aur larr’khraon main,

Phir is gali se apna guzar chahta hai dil,

Ab is gali ko kaunsi basti se laaon main.!

Mujh Ko Begaana Kar Gaye...

Khawaja Islam February 06, 2014 0

Jon Elia

Mujh Ko Begaana Kar Gaye Mere Din

Mujh Se Ho Kar Guzar Gaye Mere Din

Ab Na Koi Din Mere Ghar Jaye Ga

Jaanay Kis Ke Ghar Gaye Mere Din

Ab Nahi Hain Mere Koi Din Raat

Ke Mujh Hee Ko Basar Gaye Mere Din

Saari Raatain Gayin Meri Be-Haal

Mere Din ! Be-Asar Gaye Mere Din

Khosha Ab Intezaar Hai Na Umeed

Yaar Yaaran ! Sudhar Gaye Ab Din

Ab Mein Bas Reh Gaya Hun Raaton Mein

Mar Gaye “Jhon” ! Mar Gaye Mere Din

Kaisa dil aur uske kya gham jee...

Khawaja Islam February 06, 2014 0

Jon Elia

Kaisa dil aur uske kya gham jee,

Yu’n hee baatain banaatey hain, hum jee,

Kya bhalaa aasteen aur daaman,

Kab se palkein bhi ab nahi nam jee,

Ussey ab koi baat kya kerna,

Khud se bhi baat kije kam-kam jee,

Dil jo dil kya tha, ek mehfil tha,

Ab hai darham jee aur barham jee,

Baat be-tour ho gayi shayad,

Zakhm bhi ab nahi hai, marham jee,

Haar duniya se maan le shayad,

Dil, hamaare mein ab nahi, dam jee,

Hai yeh hasrat ke zibah ho jaun,

Hai shikan is shikam ki zaalam jee,

Kaise aakhir na rang khele’n hum,

Dil lahoo ho raha hai, jaanam jee,

Hai kharaaba yeh husniya apna,

Roz majlis hai aur maatam jee,

Waqt dam bhar ka khel hai usme,

Besh az besh hai, kam az kam jee,

Hai azal se abad talak ka hisaab,

Aur bus ek pal hai peham jee,

Be-shikan ho gayi hai woh zulfein,

Is gali mein nahi rahe kham jee,

Dasht-e-dil ka ghazaal hee na raha,

Ab bhalaa kis se kijiye ram jee…

Tere mehndi lage hathon pe mera naam...

Khawaja Islam February 06, 2014 0

Qateel Shifai

Tere mehndi lage hathon pe mera naam likha hai,

Zara se lafzz main kitna paighaam likha hai,

Yeh teri shaan ke shayaa’n nahin lekin majboori,

Teri masti bhari ankhon ko mene jaam likha hai,

Main shayar hoon, magar agey na barh paya riwayat se,

Labon ko pankhrri*, zulfon ko mene shaam likha hai,

Mujhe maut aaye gi jab bhi tere pehluu main ayegi,

Tere gham ne bohat acha mera anjaam likha hai,

Meri qismat mein hai ik din griftaar-e-wafaa hona,

Mere chehre pe tere pyaar ka ilzaam likha hai,

Qateel ik khubsurat buut* hai, main jis ka pujaari* hoon,

Mere mazhab ke khaaney mein magar Islam likha hai..

(pankhrri;petal)(buut;idol)(pujaari;worshiper)

Lamha Bhar Apna Hawaon Ko...

Khawaja Islam February 06, 2014 0

Qateel Shifai

Lamha Bhar Apna Hawaon Ko Bananay Waalay

Ab Na Aayein Ge Palat Kar Kubhi Jaanay Waalay

Kia Milay Ga Tujhe Bikhray Howay Khwaabon Ke Siwa ?

Ay Rait Pe Chaand Ki Tasveer Banaanay Waalay

Sab Ne Pehna Tha Baday Shoq Se Kaghaz Ka Libaas

Jis Qadar Loog Thay Baarish Mein Nahaanay Waalay

Mar Gaye Hum Tou Ye Qutbay Pe Likha Jaye Ga

So Gaye Aap Zamaanay Ko Jagaanay Waalay

Dar-o-Deewaar Pe Hasrat Si Barasti Hai “Qateel”

Jaanay Kis Dais Gaye Pyaar Nibhaanay Waalay ?

Teri khushbuu meri saanson main...

Khawaja Islam February 06, 2014 0

Qateel Shifai

Teri khushbuu meri saanson main basaaney aye,

Dil ki dunya mein baharon ke zamaney aaye,

Yeh alag baat hai ke tabeer na de sath mera,

Khawb to jitne bhi aaye woh suhaaney aye,

Woh hai maghroor magar pyar se majboor bhi,

Khud hi naraaz kare khud hi mananey aaye,

Kyon tarss aya hai us ko meri tanhai par,

Woh mujhe meri nazar se na giraaney aye,

Woh bataye na mujhe apne bicharne ka sabab,

Us se keh do woh mera dil na jalaney aye,

Pyaar kya hota hai ab tak mujhe maloom na tha,

Chott khayi to mere hosh thikaaney aye,

Jo mera dil bhi sajaa de mere chehre pe Qateel,

Woh mussawar* meri tasveer bananey aye..

Siskian Leti Howi Ghamgeen Hawaon...

Khawaja Islam February 06, 2014 0

Qateel Shifai

Siskian Leti Howi Ghamgeen Hawaon, Chup Raho

So Rahain Hain Dard, In Ko Mat Jagao, Chup Raho

Raat Ka Pathar Na Pighlay Ga Shuaaon Ke Bagair

Subaah Honay Tak Na Bolo Ham Nawao, Chup Raho

Band Hain Sab Mai Kaday, Saaqi Banay Hain Mohtasib

Ay Garajti Goonjti Kaali Ghataaon,Chup Raho

Tum Ko Hai Maaloom Aakhir Kon Sa Mausam Hai Ye

Fasl-e-Gul Aanay Talak Ay Khushnawao, Chup Raho

Soch Ki Deewaar Se Lag Kar Hain Gham Baithay Howay

Dil Mein Bhi Naghma Na Koi Gungunao, Chup Raho

Chhat Gaye Haalaat Ke Baadal Tou Dekha Jaaye Ga

Waqt Se Phele Andhairay Mein Na Jao, Chup Raho

Kiun Shareek-e-Gham Banaatay Ho Kisi Ko Ay Qateel

Apni Sooli Apne Kaandhay Per Uthaao, Chup Raho

Sadmaa to hai mujhe bhi...

Khawaja Islam February 06, 2014 0

Qateel Shifai

Sadmaa to hai mujhe bhi ke tujhse judaa hoon main,

Lekin yeh sochta hoon ke ab tera kya hoon main,

Mein khudkushi ke jurm ka karta hoon aitraaf,

Apne badan ki kabr mein, kab se garrhaa hoon mein,

Kis kis ka naam laaon zubaan par ke tere saath ,

Har roz ek shaks neya dekhta hoon ,

Kyaa jaane kis adaa se liya tu ne mera naam ,

Duniyaa samajh rahi hai, ke sab kuch tera hoon main,

Le mere tajrubon se sabak, aye mere raqeeb,

Do-chaar saal umar mein, tujhse barra hoon main,

Jaaga huwa zameer woh aiyeena hai “Qateel”,

Soney se pehlay roz, jisey dekhta raha hoon main.!

Urdu Sad Poetry

Followers

Sponsor

Tags

Extra Ads

Friday, April 23, 2021

Ab Yaad Dilayen Kia Tum Ko

Koi Hath Ha Mere Hath Mein

Monday, April 12, 2021

Wo Husn o Mujasim Kamaal Uski Ankhen

Khabar nahi thi Jo khuwab mein hai Wo khuwab mein bhi na mil saky ga

Thursday, February 6, 2014

Umer Raaigaan Kardi...

Ye Naam Mumkin Nahi Rahay Ga...

Meri tanhai barhate hain...

Pani ankh mein bhar ker...

Paikar tha wafa ka...

Kal yeh likhti theen...

Judaa honay ka andheshaa...

kabhi mujh ko sath lekar...

Tujh se gilay karoon...

Mujh Ko Begaana Kar Gaye...

Kaisa dil aur uske kya gham jee...

Tere mehndi lage hathon pe mera naam...

Lamha Bhar Apna Hawaon Ko...

Teri khushbuu meri saanson main...

Siskian Leti Howi Ghamgeen Hawaon...

Sadmaa to hai mujhe bhi...

Social

Recent

Popular

Comments

Archive

Trending

Tags

Labels

Categories

Contact Form